Litva millisinin hücumçusu Armandas Kuçis UEFA tərəfindən iki oyunluq diskvalifikasiya edilib.
Sportinfo.az xəbər verir ki, bu barədə Litva Futbol Federasiyası məlumat yayıb.
UEFA-nın İntizam Komitəsi oktyabrın 14-də futbolçunun cəzasını rəsmən təsdiqləyib.
Kuçis Azərbaycan ilə UEFA Millətlər Liqasının Bakıdakı son oyununda (1:0) birbaşa qırmızı vərəqə aldığı üçün Litva yığmasının növbəti iki qarşılaşmasını buraxacaq.
Beləliklə, 2026-cı ildə Kuçisi Litva millisinin formasında bir daha meydanda görməyəcəyik.
Litva Millətlər Liqasındakı çıxışını noyabrın 16-da evdə Lixtenşteynə qarşı keçirəcəyi oyunla başa vuracaq.
Komanda bundan əvvəl də bir yoldaşlıq görüşü keçirəcək. Rəqibin adı yaxın vaxtlarda açıqlanacaq.
