21 yaşadək futbolçulardan ibarət Azərbaycan millisi Avropa çempionatının seçmə mərhələsində çıxışını başa vurub.
Rəşad Eyubovun baş məşqçisi olduğu komanda Bakıda Cəbəllütariq ilə üz-üzə gəlib.
B qrupunun "Bank Respublika Arena"da gerçəkləşən görüşü U-21 yığmamızın inamlı qələbəsi ilə yekunlaşıb - 3:0. Qolları Nihat Əhmədzadə (8), Ağadadaş Salyanski (43, 51) vurub.
U-21 qrupda 6 komanda arasında 10 xalla 5-ci olub.
Gənclərin bu nəticəsi AFFA rəhbərliyi tərəfindən qiymətləndiriləcək. Qalibiyyət münasibətilə əməyi keçən hər futbolçuya 5000 manat mükafat ödəniləcək.
SPORTİNFO.AZ
