Bu gün AFFA İntizam Komitəsinin iclası keçirilib.
Sportinfo.az xəbər verir ki, iclasda Azərbaycan II Liqasının 7-ci turundakı qayda pozuntuları ilə bağlı qərarlar qəbul edilib.
Bir neçə kluba futbolçularının vərəqə almalarına görə cərimələr tətbiq edilib.
“Şəki” komandasının həkimi olmadığına və bu hal cari mövsümdə 3-cü dəfə təkrarlandığına görə klub daha 250 manat cərimə edilib.
“Şəmkir” - “Hypers” oyununda “Şəmkir” komandası təşkilati-texniki öhdəlikləri pozduğuna və bu hal cari mövsümdə 2-ci dəfə təkrarlandığına görə klub 200 manat cərimə edilib.
“Marafon” - “Ağdaş” oyununda isə “Ağdaş” komandasının həkimi olmadığına görə klub 100 manat cərimə edilib. Həmin matçda “Ağdaş” komandasının ehtiyat skamyasında adı protokolda olmayan şəxs olduğuna görə klub 100 manat cərimə edilib.
