"Mançester Siti"nin baş məşqçisi Pep Qvardiolanın klubdakı gələcəyi qeyri-müəyyən olaraq qalır.
Sportinfo.az xəbər verir ki, İngiltərə təmsilçisi 49 yaşlı mütəxəssisin komandada qalmasını istəyir.
Klub onunla 2021-ci ilin yayında başa çatacaq müqavilənin müddətini uzatmaqda istəklidir. Ancaq Qvardiola gələcəyi ilə hələ qərarını verməyib.
Bildirilib ki, baş məşqçi klubdan ayrılacağı təqdirdə, "Mançester Siti" onu əvəzləyəcək şəxsi müəyyənləşdirib. Mançester klubu "Leyptsiq"in 33 yaşlı çalışdrıcısı Yulian Naqelsmannı Qvardiolanın əvəzləyicisi hesab edir.
Namizədlərdən birinin də Maurisio Poçettino olduğu vurğulanıb. Qvardiola 2016-cı ildən "Mançester Siti"ni çalışdırır.
