DÇ-2028-in əsas mərhələsində Azərbaycan millisinin rəqibi olacaq Çexiya yoldaşlıq oyunu keçirib.
Sportinfo.az xəbər verir ki, Tiflis Olimpiya Sarayında baş tutan matçda Gürcüstan yığması ilə qarşılaşan rəqibimiz 3:2 hesabı ilə qələbə qazanıb.
Hesabı Kunster açıb. Millidə debüt edən Bişko fərqi 2 topa çatdırıb. Daha sonra meydan sahibləri ardıcıl 2 qol vurmaqla hesaba tarazlıq gətirib. Lakin Drozd dəqiq oynamaqla sona yaxın komandasına qələbə qazandırıb.
Bu komandalar arasında növbəti oyun sabah – sentyabrın 10-da, saat 19:00-da eyni məkanda keçiriləcək.
Azərbaycan millisi Çexiya yığması ilə oktyabrın 16-da səfərdə, noyabrın 5-də isə doğma meydanda qarşılaşacaq.
