İngiltərənin "Opta" futbolda statistik və analitika şirkəti 2026/27 mövsümü üçün Çempionlar Liqasında komandaların mərhələləri keçmək və turnirin qalibi olmaq şanslarını hesablayıb.
Sportinfo.az xəbər verir ki, superkompüterin açıqladığı proqnoza əsasən, turnirin əsas favoriti “Arsenal”dır. London klubunun Çempionlar Liqasını qazanmaq ehtimalı 20,9 faiz qiymətləndirilib.
2-ci sırada “Bavariya” (19,4 faiz), 3-cü yerdə “Mançester Siti” (12,3 faiz) qərarlaşıb. “Barselona”nın çempionluq şansı 8,2, PSJ-nin 7,1, “Liverpul”un isə 6,1 faiz göstərilib.
Azərbaycan təmsilçisi “Sabah” isə 34-cü yerdədir. Bakı klubunun pley-off mərhələsinə yüksəlmək ehtimalı 15,9 faiz, 1/8 finala çıxmaq şansı isə 4,8 faiz hesablanıb.
“Sabah”ın 1/4 finala yüksəlmək ehtimalı 0,9, yarımfinala çıxmaq şansı 0,2, finala yüksəlmək ehtimalı isə 0,1 faizdir. Turnirin qalibi olmaq ehtimalı 0 faiz göstərilib.
“Opta”nın proqnozuna görə, ən aşağı göstərici “Slovan” və “Şaxtyor”a məxsusdur. Onlar müvafiq olaraq 35-ci və 36-cı yerlərdə qərarlaşıblar.
Turnirdə iştirak edəcək bütün 36 komandanın şansları
.jpg)
