8000 dollardan aşağı maaşa Azərbaycanda oynamaq istəmədi

19 Sentyabr 10:52 Qəbələ 776
8000 dollardan aşağı maaşa Azərbaycanda oynamaq istəmədi

Yay fasiləsində “Qəbələ” ilə yollarını ayıran Abdelrafik Jerar özünə yeni komanda tapmağa yaxındır.

Hazırda azad agent statusu daşıyan yarımmüdafiəçi karyerasını Türkiyədə davam etdirməyə hazırlaşır.

“Qəbələ”yə keçməzdən əvvəl Belçikada “Union”da oynamış fransalı bir neçə Türkiyə klubu ilə danışıq aparır ki, onlardan biri də Super Liqa təmsilçisi “Kasımpaşa”dır.

Maraqlıdır ki, Abdelrafik Jerar bu ilin yanvarında “Qəbələ” ilə ilyarımlıq müqavilə bağlamışdı. Əlcəzair əsilli oyunçunun “qırmızı-qaralar”la sözləşməsi davam etsə də, o, komandaya qayıtmayıb.

“Səbail“ və “Zirə “27 yaşlı orta sahə oyunçusunu yenidən Azərbaycanda görmək istəsə də, tərəflər maliyyə şərtlərində razılığa gələ bilməyib. Jerar 8000 dollardan aşağı maaşa Premyer Liqamızda çıxış etməyi özünə rəva görməyib.

SPORTİNFO.AZ

Digər Xəbərlər
Xəbər Lenti
20 Oktyabr 22:30 Xalq Prezidentə inanır!
20 Oktyabr 20:30 Dadaşov rəmzi "11-lik"də