İngiltərə millisinin sabiq yarımmüdafiəçisi Pol Qaskoyn futbolçuların vurduqları qollardan sonra sevinməməsini tənqid edib.
Sportinfo.az xəbər verir ki, o, “Talksport”-a açıqlamasında millidə oynamağın onun üçün xüsusi məna daşıdığını bildirib:
“Ölkəm üçün oynamağı çox sevirdim. Ağ formanı geyinəndə ailəmi düşünür və onların mənimlə fəxr etməsini istəyirdim. Ölkən üçün oynamaq çox şey deməkdir.
Bəzi futbolçuların qol vurduqdan sonra demək olar ki, sevinmədiyini görürəm. Bu, məni dəli edir.
İngiltərənin U-21 millisində debütümü xatırlayıram. Qol vurmuşdum və tribunada heç kim yox idi.
Ona görə də hasardan aşaraq qolumu avtomobil yolunun kənarında qeyd etmişdim”.
