«Qəbələ»nin yeni baş məşqçisinin kimliyi dəqiqləşib.
Kaxaber Sxadadzeni iki həftə öncə yola salan «qırmızı-qaralar» Jeton Beqirini görəvə gətirib.
İki gün öncə ölkəmizə gələn şimali makedoniyalı mütəxəsislə bütün müqavilə şərtləri razılaşdırılıb.
Onunla 2027-ci ilin yayınadək qüvvədə olan kontrakt imzalanıb. Daha sonra 44 yaşlı çalışdırıcının sözləşməsinin müddəti uzadıla bilər.
O, son olaraq ölkəsində «Şkendiya»nın sükanı arxasında dayanıb. 2024-cü ilində bu klubla anlaşıb və yalnız bir müddət əvvəl oradan ayrılıb.
Beqiri Azərbaycan futbolunu pis tanımır. Onun çalışdırdığı «Şkendiya» 2025- ci ildə Şimali Makedoniya çempionu olub və Çempionlar Liqasında «Qarabağ»la qarşılaşıb.
Yarışın ikinci təsnifat mərhələsində «köhlən atlar»la üz-üzə gələn «Şkendiya» öncə Skopyedə 0:1, ardınca Bakıda 1:5 hesabıyla uduzaraq, mübarizə dayandırıb.
SPORTİNFO.AZ
