“Roma” hücumçusu Andrea Belottini icarəyə verib.
Sportinfo.az xəbər verir ki, 30 yaşlı forvard karyerasını “Fiorentina”da davam etdirəcək.
Bu barədə klubun mətbuat xidməti məlumat yayıb. Belotti 2023/24 mövsümünün sonunadək “Fiorentina”da oynayacaq.
Belotti 2022-ci ildən “Roma”da çıxış edir. Təcrübəli hücumçu bu mövsüm komandanın heyətində bütün turnirlərdə 22 oyuna çıxıb, 6 qol vurub və 2 qolun ötürməsini verib.
Futbolçunun “Roma” ilə müqaviləsi 2025-ci ilin iyun ayına qədərdir.
