Polşada ölkə kubokunun 1/16 final mərhələsinin bir sıra oyunları keçirilib.
Sportinfo.az xəbər verir ki, Azərbaycan millisinin hücumçusu Mahir Emrelinin çıxış etdiyi “Rakuv” səfərdə “Motor”la qarşılaşıb.
Matçın əsas və əlavə vaxtı 1:1 hesablı heç-heçə ilə başa çatıb. Penaltilər seriyasında isə qonaqlar 3:1 hesabı ilə qalib gəliblər.
Start heyətində meydana çıxan Emreli 82-ci dəqiqədə əvəzlənib. Həmin vaxt onun komandası hesabda geridə olub.
Bu qələbə sayəsində “Rakuv” Polşa Kubokunun 1/8 final mərhələsinə vəsiqə qazanıb.
.jpg.jpg)
