“İnter”in yarımmüdafiəçisi Endi Diuf Avropanın bir neçə top-klubunun maraq dairəsinə düşüb.
Sportinfo.az xarici KİV-ə istinadən xəbər verir ki, 23 yaşlı futbolçu ilə “Arsenal”, “Barselona”, “Çelsi” və PSJ maraqlanır.
Fransalı yarımmüdafiəçinin transfer dəyəri 30 milyon avro qiymətləndirilir. Onun “İnter”lə müqaviləsinin müddəti 2030-cu ilin iyununun sonunda başa çatacaq.
Diuf bu mövsüm İtaliya çempionatında 6 oyuna çıxıb və 3 qol vurub. Onun xidmətində maraqlı olan “Barselona” və “Arsenal” UEFA Çempionlar Liqasının liqa mərhələsində “Sabah”ın rəqibləridir.
