.jpg)
“Yuventus”un baş məşqçisi Massimiliano Alleqri komandanın İtaliya çempionluğu uğrunda mübarizəsini şərh edib.
Sportinfo.az xəbər verir ki, italiyalı mütəxəssis mümkünsüz heç nə olmadığını bildirib:
“Futbolda mümkünsüz heç nə yoxdur. Biz qeyri-adi bir şeyə qadir olduğumuza, qeyri-mümkün olanı mümkünə çevirə biləcəyimizə inanmalıyıq
. Biz əlimizdən gələnin ən yaxşısını verməliyik və başqası hələ də bizi üstələyirsə, onun əlini sıxmaq və səylərini alqışlamaq qalır.
Sevinirəm ki, 300-cü qələbəmi qazandım. Mən özümü çox şanslı hesab edirəm, çünki görkəmli futbolçularla işləmişəm, onları izləmək əsl zövq idi”.
“Yuventus” A Seriyasının 21-ci turunda “Leççe”yə qalib gəlib (3:0). Alleqri üçün bu qələbə İtaliya çempionatında 300-cü olub.
“Ağ-qaralar” A Seriyasında hazırda turnir cədvəlində 52 xalla birinci yerdədir.
