“Milan”ın keçmiş texniki direktoru Paulo Maldini hücumçu Lionel Messini komandasına dəvət etmək istədiyini etiraf edib.
Sportinfo.az xəbər verir ki, o, argentinalı futbolçunun “İnter”ə keçə bilmə ehtimalına da kədərlənib:
“Onun “İnter”ə keçə biləcəyini biləndə kədərləndim. On gün ərzində onun “Milan”a transferini təşkil etməyə çalışdıq.
Lakin sonra başa düşdük ki, bu, sadəcə olaraq, qeyri-mümkündür”.
36 yaşlı hücumçu 2021-ci ildə “Barselona”dan ayrılaraq PSJ-yə keçib. Messi hazırda “İnter Mayami”də oynayır.
