“Brayton”un yarımmüdafiəçisi Yasin Ayari “Çelsi”nin maraq dairəsinə düşüb.
Sportinfo.az xəbər verir ki, bu barədə “Teamtalk” məlumat yayıb.
Ayarinin “Brayton”la yeni müqavilə ilə bağlı danışıqları dalana dirənib. “Çelsi” bu vəziyyətdən yararlanaraq isveçli futbolçunu heyətinə qatmağa çalışa bilər.
23 yaşlı yarımmüdafiəçiyə təkcə London klubu maraq göstərmir. “Qalatasaray” və “Fənərbaxça”, eləcə də “Milan” və İngiltərə Premyer Liqasının bir neçə təmsilçisi Ayarinin xidmətində maraqlıdır.
Bununla belə, “Brayton” onu komandada saxlamaq niyyətindədir. Klubun Ayari üçün təxminən 50 milyon avro tələb etdiyi bildirilir.
Yarımmüdafiəçi bu mövsüm bütün turnirlərdə 12 oyunda meydana çıxıb və 2 qol vurub.
