"Milan"ın baş məşqçisi Stefano Pioli komandasının A Seriyasının 7-ci turunda "Latsio" üzərində qələbəsini (2:0) şərh edib.
Sportinfo.az xəbər verir ki, "TMW"yə açıqlama verən italiyalı mütəxəssis "rossonyerlər"in performansından razılıq bildirib:
"Futbol inanılmazdır. Çünki sizə güclü emosiyalar qazandırır və hadisələrin gedişatı çox qısa müddətdə dəyişə bilər.
Derbidən sonra yolumuzun bitmədiyini bilirdik. Lakin bu, yeni başlanğıc idi. Komandanın oyunundan məmnunam.
İlk hissədə sürətli deyildik, ikinci yarıda isə enerji, temp, ehtiras və keyfiyyət var idi. Hər şeydən razıyam, artıq növbəti matçı düşünürəm".
"Milan" 7 turdan sonra 18 xalla ikincidir.
