Türkiyə millisinin üzvü Ozan Tufan karyerasını “Hall Siti”də davam etdirə bilər.
Sportinfo.az xəbər verir ki, 27 yaşlı yarımmüdafiəçi İngiltərənin Çempionşip təmsilçisi ilə razılığa gəlib.
Ozanla 2 və ya 3 illik müqavilə imzalanacaq. O, bu həftə sonunda klubun düşərgəsinə qoşulacaq.
Müqavilə ilə “Fənərbaxça”ya məxsus olan Tufan ötən mövsüm icarə əsasında “Uotford”da oynayıb.
“Hall Siti”nin sahibi “TV 8” kanalının rəhbəri Acun Ilıcalıdır.
