“Roma”nın yarımmüdafiəçisi Manu Konenin “Çelsi”yə keçidi yenidən gündəmə gəlib.
Sportinfo.az xarici KİV-ə istinadən xəbər verir ki, London klubu qış transfer dövründə Koneni transfer etmək üçün “Roma”ya təklif göndərməyi planlaşdırır.
“Çelsi”nin fransalı futbolçu üçün mümkün anlaşmaya özünün vingeri Ceymi Bayno-Gittensi də daxil etməyi nəzərdən keçirdiyi bildirilir.
“Çelsi” 25 yaşlı yarımmüdafiəçini yayda transfer edə bilməyib. Ancaq London təmsilçisi yanvarda bu keçidi reallaşdırmaq üçün yeni cəhd etmək niyyətindədir.
Kone cari mövsümdə İtaliya çempionatında 3 oyunda meydana çıxıb. “Transfermarkt” portalı onun dəyərini 50 milyon avro qiymətləndirir.
