Türkiyənin Bolu şəhərində təlim-məşq toplanışında olan "Qəbələ" bu gün ilk yoxlama oyununu keçirəcək.
Elmar Baxşıyevin baş məşqçi olduğu komanda Türkiyə Super Liqasında çıxış edən “Qaziantep”lə üz-üzə gələcək.
Qarşılaşma Bakı vaxtı ilə saat 17:30-da başlayacaq.
Bu matçda "Qəbələ"nin heyətində yeni legioner debüt edə bilər. Fares Abu Akel dünən gecə saatlarında düşərgəyə təşrif buyurub.
"Qırmızı qaralar" onu "Aşdod"dan dəvər edib. 25 yaşlı israilli yarımmüdafiəçi Qəbələnin eyniadlı təmsilçisi ilə 1 illik müqavilə imzalayacaq.
Daha əvvəl İsrail mətbuatı Fares Abu Akellə "Neftçi"nin maraqlandığını yazıb.
SPORTİNFO.AZ