“Mançester Yunayted”in U-18 komandasında çıxış edən Cey-Cey Qabriel “Real”a keçə bilər.
Sportinfo.az “The Touchline”-a istinadən xəbər verir ki, 15 yaşlı hücumçu “Mançester Yunayted”dən azad agent kimi ayrılmaq niyyətindədir və bu barədə artıq klub rəhbərliyinə məlumat verib.
Gənc oyunçu uğrunda mübarizədə hazırda “Real” öndədir. İngiltərə millisinin aşağı yaş qruplarında çıxış edən futbolçu ilə “Barselona”, PSJ və “Bayern”in də maraqlandığı bildirilir.
“Mançester Yunayted” Qabrieli bu mövsüm əsas komandada oynatmaq niyyətində olub. İngiltərə klubu futbolçunu komandada qalmağa razı salmağa çalışır.
Qabriel cari mövsümdə “Mançester Yunayted”in gənclər komandasında keçirdiyi 3 oyunda 5 qol vurub və 2 məhsuldar ötürmə verib.
