“Qəbələ”nin prezidenti Nəriman Abbasovla görüşdü

21 Aprel 17:20 Qəbələ 174
“Qəbələ”nin prezidenti Nəriman Abbasovla görüşdü

“Qəbələ”nin prezidenti Fariz Nəcəfov MMA döyüşçüsü Nəriman Abbasov və məşqçisi Şəhriyar Abbasovla görüşüb.

Sportinffo.az klubun rəsmi saytına istinadən xəbər verir ki, görüşdə "Qəbələ" idmançısının “AMC Fight Night100” çərçivəsində rusiyalı Şamil Amirovla keçirdiyi döyüş barədə fikir mübadiləsi aparılıb.

Klub prezidenti Rusiyanın paytaxtı Moskvada keçirilən qarşılaşmada qələbə qazanaraq yüngül çəkidə (70,3 kq) çempion titulunu qoruyan Nərimanı təbrik edib, ona gələcək döyüşlərində uğurlar arzulayıb:

“Hər bir azərbaycanlı çalışdığı sahədə ölkə üçün faydalı olmağa səy göstərməlidir. Nəriman da əlindən gələnin ən yaxşısını bu döyüşdə nümayiş etdirərək ölkəmiz və klubumuz adına qələbə qazandı”.

Nəriman Abbasovla məşqçisi Şəhriyar Abbasov “Qəbələ” İdman Klubuna göstərdiyi dəstək üçün təşəkkür ediblər.

Onlar vurğulayıblar ki, əsas məqsədləri uğurlarını daha da artırmaq, üçrəngli bayrağımızı daim zirvələrdə dalğalandırmaqdır.

Xəbər Lenti
17 May 23:00 Bu il bağlanmayacaq?