Yelkən idmanının Optimist və ILCA4 sinifləri üzrə açıq Azərbaycan çempionatında iştirak edəcək Türkiyə komandası Bakıdadır.
Sportinfo.az xəbər verir ki, 9 idmançı və 1 nəfər milli komanda məşqçisindən ibarət heyətlə paytaxta gələn qonaqlar Azərbaycan Su İdman Növləri Federasiyasının yelkən bazası ilə tanış olublar.
Ölkə çempionatı 12–14 sentyabr tarixlərində Şıxov çimərliyi ərazisində təşkil olunacaq. Y
arışlara hər gün saat 11:00-da start veriləcək. Mükafatlandırma mərasimi sentyabrın 14-də saat 18:00-da keçiriləcək.
