“İmişli” Rafael Vieqaşla müqavilə imzalayıb.
QOL.az xəbər verir ki, bu haqda klubun mətbuat xidməti yayıb. 26 yaşlı portuqaliyalı futbolçu mövsümün sonuna qədər “İmişli”nin formasını geyinəcək.
Rafael Vieqaş karyerası ərzində Portuqaliyanın “San-Joau Ver”, “Vilaverdense”, “Felqeyraş”, “Salgueyruş”, “Şaveş”, “Vizela” və “Agueda”, Çexiyanın “1. SK Znoymo”, həmçinin Braziliyanın “Real-DF” komandalarında çıxış edib.
Vieqaş ötən mövsüm də “İmişli”nin heyətində yer alıb. O, 31 oyunda meydana çıxıb və 1 qol vurub.
