.jpg)
“Çelsi” baş məşqçisi Frenk Lempardla yollarını ayırıb.
Sportinfo.az xəbər verir ki, bu barədə London klubunun rəsmi saytı məlumat yayıb.
42 yaşlı məşqçinin 2022-ci ilin yayına qədər olan müqaviləsi ləğv edilib. Rəhbərlik uğursuzluğa görə gənc məşqçi ilə vidalaşıb.
Britaniya mətbuatı Lempardı PSJ-nin sabiq baş məşqçisi Tomas Tuhelin əvəzləyəcəyini yazıb.
Futbolçu kimi 13 il (2001-2014) "Çelsi"nin şərəfini qoruyan Lempard 2019-cu ilin yayından paytaxt təmsilçisini çalışdırırdı. Komanda hazırda Premyer Liqada 9-cu pillədə qərarlaşıb.
