“Bornmut”un vingeri Rayan “Liverpul”un maraq dairəsinə düşüb.
Sportinfo.az xəbər verir ki, bu barədə “ESPN Brasil” məlumat yayıb.
Mersisayd təmsilçisi 20 yaşlı futbolçunu transfer etmək istəsə, bunun üçün təxminən 150 milyon avro ödəməli olacaq.
Çünki Rayanın müqaviləsində məhz bu məbləğdə sərbəstqalma maddəsi yer alıb. “Bornmut” rəhbərliyi transfer məbləğində güzəştə getmək niyyətində deyil.
Braziliyalı futbolçu cari mövsümdə bütün turnirlər nəzərə alınmaqla 6 oyunda meydana çıxıb və 2 qol vurub. Onun “Bornmut”la müqaviləsinin müddəti 2031-ci ilin yayına qədərdir.
