İsveçli hücumçu Viktor Qyokereş “Arsenal”dakı durumundan narazıdır və yanvarda London klubunu tərk edə bilər.
Sportinfo.az xəbər verir ki, bu barədə “Daily Briefing” məlumat yayıb.
27 yaşlı futbolçunun agenti artıq “Milan”, “Yuventus”, “Əl-Əhli” və “Əl-İttihad” ilə ilkin danışıqlar aparıb.
Qyokereş ötən ilin yayında Lissabon “Sportinq”indən “Arsenal”a keçib. Ancaq o, komandanın əsas hücumçusuna çevrilə bilməyib.
Baş məşqçi Mikel Arteta bu mövsüm hücumun mərkəzində almaniyalı Kay Havertsi oynatmağa üstünlük verir.
Qyokereşin hazırkı dəyəri 65 milyon avro qiymətləndirilir. Onun “Arsenal”la müqaviləsinin müddəti 2030-cu ilin iyununun sonuna qədərdir.
“Arsenal” UEFA Çempionlar Liqasının əsas mərhələsinin sonuncu turunda, yanvarın 27-də “Sabah”ı qəbul edəcək.
