.jpg)
«Yaxın keçmişdə və hazırda Super Liqala oynayan bir neçə tanınmış, amma özünü göstərə bilməyən futbolçular var ki, mən Azərbaycan klublarına onları transfer etməyi məsləhət görürəm».
Bu sözləri Sportinfo.az-a açıqlamasında Türkiyənin tanınmış jurnalisti Ahmet Selim Kul deyib.
"A Spor" kanalının əməkdaşı bildirib ki, Türkiyədə çıxış edən oyunçuların bundan sonra Premyer Liqaya axınını gözləməyə dəyər:
«Bunun üçün ilk növbədə Yassin Benzianın «Qarabağ»da necə təsir bağışlamasından çox şey asılıdır
Vaxtilə Fransanın ən istedadlı gənclərindən biri sayılmış yarımmüdafiəçi Azərbaycanda karyerasının yüksəlişinə keçərsə, digərləri də ölkənizə gələcək.
Bu, Azərbaycan futbolunun imicini xeyli qaldıracaq. Odur ki, klublarınızın belə bir risk alması lazımdır.
Türkiyədə oynamış, amma ölkənizə gəlməyə tərəddüd edən legionerlər görsə ki Benzia burada uğurlu oldu, fikirlərindən daşınacaqlar.
Daha heç kim Azərbaycan klublarından aldığı təklifə dünyanın sonu kimi baxmayacaq".
.jpg)
