Azərbaycan UEFA reytinqində 25-ci pillədəki mövqeyini qoruyub
Sportinfo.az xəbər verir ki, cədvəl UEFA Çempionlar Liqasında Liqa mərhələsinin ilk turun oyunlarında qeydə alınan nəticələrdən sonra yenilənib.
İngiltərədə "Mançester Yunayted"ə 0:4 hesabı ilə uduzan “Sabah” xal ehtiyatını artıra bilməyib və ölkəmizin ümumi xal ehtiyatı 23.687-yə bərabər qalıb.
Nəticədə cari mövsümdə qazanılan əmsal 5.125-də qalıb. Bunun 3.000 əmsalı "Sabah"ın, 1.250-si "Qarabağ"ın, 0.625-i "Zirə"nin, 0.250-si isə "Neftçi"nin payına düşür.
Ən yaxın izləyicimiz Sloveniyanın 22.843 əmsalı var. Bir pillə öndə - 24-cü yerdə qərarlaşan İsrailin ümumi kazancı isə 23.875-ə bərabərdir.
55 ölkənin yer aldığı əmsallar cədvəlinə İngiltərə (103.130) başçılıq edir.
