“Sumqayıt”ın yay hazırlıq planı müəyyənləşmək üzrədir.
Sportinfo.az-ın məlumatına görə, Konfrans Liqasında mübarizə aparacaq komanda iyunun 17-də bir araya gələcək.
“Kimyaçılar” ayın sonunadək dogma məkanda məşq keçəcək. “Gənclik şəhəri” təmsilçisi təlim-məşq toplanışının ikinci mərhələsini Türkiyədə davam etdirmək niyyətindədir.
Hazırda iki variant mövcuddur - Ankara və Bolu.
Səfəri təşkil edən şirkətlərdən hansı biriylə razılıq əldə olunsa, “Sumqayıt” da ora yollanacaq. Indi o dəqiqdir ki, kollektiv 2 həftə qonşu ölkədə qalacaq.
