"Keşlə" Premyer Liqada azarkeşi o qədər də çox olmayan komandalardandır.
Paytaxt klubunun bir fan klub var ki, daimi olaraq bu komandanın yanında olur, onu daim dəstəkləyir.
Söhbət "OLD WOLF" azarkeş qrupundan gedir.
Amma komanda yaxın zamanda adıçəkilən azarkeş qrupunun da dəstəyindən məhrum olacaq.
Belə ki, komanda yeni ildən "Keşlə" adını "Şamaxı"ya dəyişəcəyindən fanat qrupu da öz fəaliyyətini dondurmuş olacaq. Amma "Keşlə" adı var olduqca, azarkeş qrupu öz dəstəyini əsirgəməyəcək.
Bakı klubunun Şamaxıda necə qarşılanacağı isə hələ də sual olaraq qalır.
SPORTİNFO.AZ
