“Vest Hem”in müdafiəçisi Jan-Kler Todibo bu qış “Yuventus”a keçməyəcək.
Sportinfo.az xarici KİV-ə istinadən xəbər verir ki, fransalı futbolçu turinlilərin əsas transfer hədəflərindən biri hesab olunurdu, ancaq görünür, sözləşmə baş tutmayıb.
“Vest Hem” oyunçusunu nə hansısa bir şərtlə, nə də satın alma öhdəliyi ilə icarəyə buraxmaq niyyətində deyil.
“Yuventus” imtina ilə barışıb və artıq digər namizədlərə keçib. Hazırda Turin klubunun rəhbərliyi “Nyukasl”dan Lloyd Kelli və “Feyenoord”dan David Qanzkonu transfer etmək variantını nəzərdən keçirir.
