"Milan"ın forvardı Luka Yoviç komandadan göndəriləcək.
Sportinfo.az "Tuttosport"a istinadən xəbər verir ki, serbiyalı "rossonyerlər"in gələcək planlarına daxil deyil.
İtaliya klubu Yoviç üçün gələn transfer təkliflərini bu qış dəyərləndirəcək.
27 yaşlı hücumçu bu mövsüm cəmi 3 matçda meydana çıxıb.
Lukanın "Milan"la müqavilə müddəti 2025-ci il iyunun 30-na qədərdir. O, indiyə qədər "Srvena Zvezda", "Apollon"(Limassol), "Ayntraxt"(Frankfurt), "Benfika", "Real"(Madrid), "Fiorentina" klublarında oynayıb.
