“İnter”in yarımmüdafiəçisi Hakan Çalhanoğlunun klubdakı gələcəyi qeyri-müəyyən olaraq qalır.
Sportinfo.az xarici KİV-ə istinadən xəbər verir ki, hazırda illik 6,5 milyon avro qazanan türkiyəli futbolçuya daha aşağı maaş nəzərdə tutulan yeni müqavilə təklif oluna bilər.
“İnter”in baş məşqçisi Kristian Kivu Çalhanoğlunun komanda üçün əhəmiyyətini yüksək qiymətləndirir və onun ayrılmasını istəmir.
32 yaşlı yarımmüdafiəçi bu mövsüm İtaliya çempionatında 3 oyuna çıxıb və 2 qol vurub. Onun “İnter”lə hazırkı müqaviləsinin müddəti 2027-ci ilin iyun ayının sonuna qədər qüvvədədir.
