”Roma”nın müdafiəçisi Uesli França Avropanın iki aparıcı klubunun diqqətini çəkib.
Sportinfo.az xarici KİV-ə istinadən xəbər verir ki, “Arsenal” və “Atletiko” 23 yaşlı futbolçunu nəzərdən keçirirlər.
Klubların nümayəndələri müdafiəçini “Roma”nın UEFA Çempionlar Liqasında “Fənərbaxça”ya qarşı keçirdiyi oyunda (1:1) izləyiblər.
França 2025-ci ilin yayından “Roma”da çıxış edir. Onun İtaliya klubu ilə müqaviləsinin müddəti 2030-cu ilin iyununun sonuna qədər qüvvədədir.
“Transfermarkt” braziliyalı futbolçunun bazar dəyərini 40 milyon avro olaraq qiymətləndirir.
