“Ştutqart”ın hücumçusu Ermedin Demiroviç karyerasını İtaliya A Seriyasında davam etdirə bilər.
Sportinfo.az xarici KİV-ə istinadən xəbər verir ki, 28 yaşlı forvardla “Milan” maraqlanır.
“Qırmızı-qaralar” Demiroviçi qış transfer pəncərəsində heyətinə qatmaq istəyir.
“Ştutqart” Bosniya və Herseqovinadan olan hücumçunun satışından ən azı 35 milyon avro gəlir əldə etməyi planlaşdırır.
Demiroviç cari Bundesliqa mövsümündə 3 oyunda meydana çıxıb və 1 qol vurub.
Onun “Ştutqart”la müqaviləsinin müddəti 2028-ci ilin iyununun sonuna qədərdir. “Transfermarkt” futbolçunun dəyərini 22 milyon avro qiymətləndirir.
