"Adana Dəmirspor"un 31 yaşlı hücumçusu Mario Balotelli İtaliya millisinə qayıdır.
Sportinfo.az xəbər verir ki, İtaliya yığmasının baş məşqçisi Roberto Mançini qalmaqallı hücumçuya DÇ-2022-in seçmə mərhələsinin pley-off oyunları üçün dəvət göndərib.
Xatırladaq ki, Mario İtaliya millisində son oyununu 2018-ci ilin sentyabrında keçirib. Balotellinin "Adana Dəmirspor"la müqaviləsi 2024-cü ilə qədərdir. O, bu komandada 2021-ci ildən çıxış edir.
İtaliya pley-off mərhələsinin yarımfinalında Şimali Makedoniya ilə qarşılaşacaq.