“Barselona”nın sabiq baş məşqçisi Xavi Hernandes yenidən məşqçiliyə qayıda bilər.
Sportinfo.az “Marca”-ya istinadən xəbər verir ki, ispaniyalı mütəxəssis yeni klub axtarışındadır.
Xavi ciddi hədəfləri olan Avropa komandasına rəhbərlik etmək istəyir. O, eyni zamanda, İspaniya çempionatında “Barselona”dan başqa, digər variantları istisna edir.
Onun yeni iş yerinin 2024/2025 mövsümünün sonunda məlum olacağı gözlənilir.
45 yaşlı mütəxəssis 2021-2024-cü illərdə “Barselona”nın baş məşqçisi vəzifəsində çalışıb. Onun rəhbərliyi altında Kataloniya klubu La Liqa çempionu və İspaniya superkubokunun qalibi olub.
