"Mançester Siti"dən 100 milyonluq təklif - Harri Keyn üçün

23 İyun 2021 21:40 İngiltərə 870
"Mançester Siti"dən 100 milyonluq təklif - Harri Keyn üçün

"Mançester Siti" Harri Heynin transferi ilə bağlı futbolçunun çıxış etdiyi "Tottenhem"ə rəsmi təklif göndərib.

Sportinfo.az xəbər verir ki, bu barədə italiyalı jurnalist Fabritsio Romano özünün tvitter səhifəsində məlumat paylaşıb.

Onun sözlərinə görə, "şəhərlilər" 28 yaşlı hücumçu üçün London klubuna 100 milyon funt sterlinq təklif edib.

Hətta Mançester təmsilçisi qarşı tərəfi razı salmaq üçün sözügedən məbləğlə yanaşı, oyunçularından birini verməyə də hazırdır.

Keynin özü də yay transfer dövründə "Tottenhem"i tərk etmək istəyir. Lakin klubun prezidenti Deniel Levi ulduz futbolçunu heyətdə saxlamaq niyyətindədir. Təcrübəli forvardın taleyinə Avropa çempionatından sonra aydınlıq gələcək.

"Tottenhem"in yetirməsi olan Harri Keyn doğma komandasında ilk dəfə 2011-ci ildə debüt edib. Cari mövsüm İngiltərə Premyer Liqasında 35 oyunda meydana çıxan hücumçu 23 qol vurub, 14 məhsuldar ötürmə edib.

Digər Xəbərlər
Xəbər Lenti