I Liqada danışılmış oyunlarla bağlı aparılan araşdırmaların miqyası genişlənməkdədir.
«İrəvan»ın yarımmüdafiəçisi Fəhmin Muradbəylinin saxlanılması ilə başlayan prosesə artıq 10-dan çox futbolçu cəlb olunub.
Bu siyahıya aşağı liqada çıxış edən yerlilərlə yanaşı, bir neçə legioner də daxildir.
Onların sıraları yalnız «İrəvan»la məhdudlaşmır. Şübhələr də bir tək bu klubu əhatə etmir. UEFA-dan AFFA-ya daxil olan serkulyar məktublarda başqa 3-4 komandadan da danışılır.
Böyük ehtimalla, federasiya yaxın günlərdə bu səpgidə bir açıqlama yayacaq, kimlərin futboldan ömürlük uzaqlaşdırılmasına dair qərarı açıqlayacaq.
SPORTİNFO.AZ
