“Tottenhem”in futbolçusu Endryu Robertson Yurgen Klopp və Arne Slotun keçmiş klubu “Liverpul”a yanaşmaları arasındakı fərqlərdən danışıb.
Sportinfo.az xarici KİV-ə istinadən xəbər verir ki, o, iki məşqçi arasında müqayisəni belə aparıb:
“Slot statistikaya çox önəm verirdi. O, özü ilə birlikdə “iPad”li bir mütəxəssis – Ruben adlı şəxsi gətirmişdi.
Həddindən artıq çox sürətli qaçış (sprint) etdiyiniz təqdirdə belə, Ruben dərhal müdaxilə edirdi. Onlar daha çox fiziki yük göstəricilərinə diqqət yetirirdilər.
Taktikaya gəldikdə isə Klopp həmişə belə deyərdi: “Bunu etsək, heç kim bizə rəqib ola bilməz!”
O, diqqəti rəqibə deyil, məhz bizə yönəldirdi. Slotla isə biz həmişə rəqibi təhlil edir və onların taktikasına uyğun olaraq necə oynayacağımızı müəyyənləşdirirdik.
Slot həmişə deyirdi: “Baxın, onlar bunu etsələr, biz də bunu edəcəyik”. Klopp isə sadəcə öz planına sadiq qalırdı.
Kloppun dövründə yanaşmamızı heç vaxt dəyişmirdik, Slot isə daim rəqibin taktikasına uyğunlaşırdı”.
Hazırda “Liverpul”un baş məşqçisi Andoni İraoladır.
