"Bizim transfer siyahımızda bir neçə futbolçunun adı var. Ancaq Fransadan heç bir futbolçu ilə maraqlanmamışıq" - bunu Sportinfo.az saytına açıqlamasında "Keşlə"nin baş meneceri Eldəniz Yusifov deyib.
Mətbuatda yayılan xəbərlərə münasibət bildirən klub rəsmisi məlumatın həqiqəti əks etdirmədiyini qeyd edib: "Təbii ki, maraqlandığımız, heyətə qatmaq istədiyimiz futbolçular var. Ancaq Fransadan futbolçu gətirmək istədiyimiz xəbərini sizdən eşidirəm".
Qeyd edək ki, bu gün mətbuatda "Keşlə"nin Fransanın ikinci divizionunda mübarizə aparan "Havr"ın hücumçusu Ebenezer Assifuanın transferini gözdən keçirməsiylə bağlı xəbər yayılıb.