Şotlandiyalı Devid Moyesin “Everton”a baş məşqçi təyinatı rəsmiləşib.
Sportinfo.az xəbər verir ki, bu barədə klubun saytı məlumat yayıb.
Komandanın 61 yaşlı məşqçiyə həvalə olunduğu bildirilib.
Moyes 2002-2013-cü illərdə də “Everton”a rəhbərlik edib. Bu müddətdə komanda bütün turnirlərdə 518 oyun keçirib, 221 dəfə qalib gəlib, 134 dəfə heç-heçə edib, 163 dəfə məğlub olub.
Moyesin son iş yeri 2017-2018 və 2019-2024-cü illərdə baş məşqçilik etdiyi “Vest Hem” olub.
“Everton” hazırda İngiltərə Premyer Liqasında 17 xalla 16-cıdır.
