“Mançester Yunayted”in direktorları bu gün mühüm toplantı keçirəcəklər. Burada komandanın baş məşqçisi Erik Ten Haqın gələcəyinin müzakirə ediləcəyi gözlənilir.
Sportinfo.az “The Telegraph”-a istinadən xəbər verir ki, niderlandlı çalışdırıcı hazırkı beynəlxalq fasilə zamanı işdən çıxarılmayacağına inanır. O göndərilməsinə dair heç bir əlamət görməyib və qısa tətilə çıxıb.
“Qırmızı şeytanlar” zəif çıxış edirlər və Premyer Liqanın turnir cədvəlində 14-cü pillədə qərarlaşıblar.
“Mançester Yunayted” növbəti matçını oktyabrın 19-da doğma meydanda “Brentford”a qarşı keçirəcək.
