Şəhidin yeni doğulan övladına Şuşa adı verildi - FOTO

24 Yanvar 2021 20:30 Bizimkilər 1 012
Şəhidin yeni doğulan övladına Şuşa adı verildi - FOTO

Vətən müharibəsində şəhid olan kapitan Ağayev Elçin Zakir oğlunun üçüncü qız övladı dünyaya gəlib.

Sportinffo.az xəbər verir ki, bu gün xəstəxanadan evə buraxılan körpəyə Şuşa adı verilib.

Şəhid yaxınlarının verdiyi məlumata görə, Elçin Şuşanın azadlığında iştirak etməyi arzulayıb, bu şəhəri görmək istəyib. Buna görə də onun yeni doğulan övladına Şuşa adı verilib.

1993-cü ildə Cəlilabad rayonunun Günəşli kəndində anadan olan Elçin Ağayev Heydər Əliyev adına Ali Hərbi Məktəbi başa vuraraq, öz xahişi ilə xidməti vəzifəsini cəbhə bölgəsində davam etdirib və 4 il bölük komandiri işləyib.

Zabitimiz ötən il oktyabrın 6-da Suqovuşan uğrunda gedən döyüşlərdə şəhid olub. Göstərdiyi qəhrəmanlıqlara görə ölümündən sonra “Vətən uğrunda”, "İgidliyə görə", “Suqovuşanın azad olunmasına görə” və “Laçının azad olunmasına görə” medalları ilə təltif edilib.


Digər Xəbərlər
Xəbər Lenti