Dünya çempionatına hazırlaşan Azərbaycanın U-20 millisi növbəti yoxlama oyununu keçirəcək.
Hazırda Qəbələdə təlim-məşq toplanışında olan yığmamız İraqın müvafiq yaş qrupundan ibarət komandası ilə üz-üzə gələcək.
Əslində, qarşılaşmanın Qəbələdə keçirilməsi nəzərdə tutulurdu. Belə ki, millimizin əvvəlki təlim-məşq toplanışlarında da yoxlama oyunları məhz bu bölgədə təşkil olunmuşdu.
Lakin İraq tərəfinin istəyi nəzərə alınaraq görüşün keçirilmə məkanında dəyişiklik edilib.
Beləliklə, komandalar Qəbələdə deyil, Sumqayıtda qarşılaşacaqlar.
Ayın 17-də baş tutacaq matç Sumqayıt şəhərində yerləşən “SOCAR Polymer Arena”da keçiriləcək.
XANOĞLAN/ SPORTİNFO.AZ
