UEFA Millətlər Liqasının Lixtenşteynlə son oyunu Azərbaycan yığmasının qapıçısı Emil Balayev üçün əlamətdar olub.
Sportinfo.az xəbər verir ki, 32 yaşlı qolkiper yubiley matçına çıxıb.
Balayev millinin heyətində 20-ci qarşılaşmasını keçirib. Bununla o, yığmada aktivində 20 oyun olan Bəxtiyar Musayev və Xaqani Məmmədova çatıb. Balayev yığmada 20-yə çatan 88-ci futbolçu olub.
Emil Balayev millimizdə ilk oyununu 2019-cu ildə evdə Xorvatiyaya (1:1) qarşı keçirib. O, 20 matçda qapısından 27 qol buraxıb.
Millimiz Vadutsda rəqibini 1:0 hesabı ilə məğlub edib.
