AFFA ürəyindən əməliyyat olunan futbolçunun xərcini ödədi

27 Fevral 13:40 Azərbaycan Futbolu 549
AFFA ürəyindən əməliyyat olunan futbolçunun xərcini ödədi

AFFA-nın sabiq həkimi Naib Abdulla şəxsi "facebook" hesabında "Neftçi"nin veteran futbolçusu Səmədağa Şıxlarovun əməliyyat olunması barədə məlumat vermişdi.

O bildirib ki, AFFA bütün əməliyyat xərclərini öz üzərinə götürsə də, qurum sonradan bu pulu ödəməyib.

AFFA-nın mətbuat xidmətinin rəhbəri Firuz Abdulla bildirib ki, S.Şıxlarovun xəstəxanaya ödədiyi əməliyyat xərcləri özünə qaytarılacaq: "Səmədağa müəllim AFFA-ya əməliyyat xərclərinin ödənməsi ilə bağlı həqiqətən də, müraciət edib.

Qeyd edib ki, o, Respublika Diaqnoz Mərkəzinin nəzdində Ürək Mərkəzində əməliyyat olunmalıdır. Orada bundan öncə də bir neçə dəfə əməliyyat olunmuşdu. Çünki hər həkim bu əməliyyatı öz öhdəsinə götürmürdü.

AFFA-nın baş həkimi də bildirmişdi ki, bundan öncə də bir neçə dəfə əməliyyat keçirdiyi üçün daha yaxşı olar ki, əvvəl harada əməliyyat olunubsa, yenə ora müraciət olunsun.

Əməliyyat olunmaq üşün xəstəxanı Səmədağa müəllim özü tapıb. Görünür, həkim zəmanət verib ki, mən bu əməliyyatı uğurla edəcəyəm. Həmin müraciətdən sonra da AFFA göstəriş verib ki, əməliyyatın xərcləri federasiya tərəfindən ödənilsin.

Bununla bağlı AFFA və Respublika Diaqnoz Mərkəzi arasında müvafiq müqavilə imzalanıb. Müqavilədə də qeyd olunub ki, AFFA həmin əməliyyatın xərcini ödəyəcək.

Amma Səmədağa müəllim özü dünən şəxsi hesabına əməliyyat olunub. AFFA-nın müvafiq strukturu xəstəxana ilə əlaqə saxlayıb. Bildirilib ki, Səmədağa müəllim əməliyyatdan öncə hər hansı bir məbləğ ödəyibsə, bu pul onun özünə qaytarılacaq.

AFFA müqavilədə göstərilən məbləği bu gün və ya sabah Respublika Diaqnoz Mərkəzinə ödəyəcək. Düzdür, hələ ki, ödəniş olunmayıb. Amma bizim müqaviləmiz var, o müqaviləyə uyğun olaraq, pulu biz ödəyəcəyik. Səmədağa müəllimin verdiyi pul da özünə qaytarılacaq".

Sportinfo.az xəbər verir ki, artıq həmin vəsait Respublika Diaqnostika Mərkəzinin (RDM) hesabına köçürülüb.

ƏDV ilə birlikdə 8 min manata yaxın vəsaiti RDM hazırda vəziyyəti kafi olan Şıxlarovun yaxınlarına qaytaracaq. Belə ki, fevralın 24-də şəfa ocağına yerləşdirilən sabiq hücumçunun əməliyyat xərci mərkəzin daxili qaydalarına əsasən öncədən ödənilib.

Digər Xəbərlər
Xəbər Lenti
2 Aprel 23:30 SMS-lər pulsuz olacaq