.jpg)
"Klubu ilə 1 illik müqaviləsi olduğu halda hər şey yaxşı olsaydı, inanmıram ki, Namiq "Neftçi"dən ayrılardı. Deməli, hansısa mənfi nüanslar olub ki, o da komandanı tərk etmək qərarı verib".
Bu Sözləri Sportinfo.az-a açıqlamasında Namiq Ələsgərovun "Bursaspor"a keçidinə münasibət bildirən millimizin sabiq üzvü Vaqif Cavadov deyib.
Cavadov nadir hallarda hansısa futbolçunun öz istəyilə komandasını dəyişdiyini bildirib: "Hər iki tərəfi dinlədikdən sonra dəqiq nəsə demək olar. Hansısa küskünlük olanda futbolçu belə bir addım atır. Nadir hallarda olur ki, futbolçu öz istəyilə klubunu dəyişir".
Vaqif bir vaxtlar özünün də oynadığı Türkiyə birinci liqası haqqında da danışıb: "Türkiyə 1-ci liqası çox asan görünməsin. Çünki çox güclü çempionatdır. Komandalarda adlı-sanlı güclü futbolçular var. Zəif çempionatdı demək olmaz. Namiqə uğurlar arzu edirəm. Azərbaycan Premyer Liqasındakı performansını saxlamasını istərdim. Bundan həm futbolçunun özü, həm də Azərbaycan futbolu qazanmış olar".
.jpg)
.jpg)
