Yeni mövsüm üçün transfer çalışmalarını davam etdirən “Şamaxı” albaniyalı hücumçu Belajdı Pusidən sonra daha bir legioneri heyətinə qatıb.
Sportinfo.az xəbər verir ki, bölgə təmsilçisi Brahim Konate ilə anlaşıb.
Fransalı yarımmüdafiəçi ilə birillik müqavilə imzalanıb.
Karyerasına yerli “Oser”də başlayan Konate vaxtilə Fransanın U-20 yığmasında çıxış edib. 28 yaşlı futbolçunun son klubu isə İsraildə “Hapoel" (Afula) olub.
