«Şamaxı» Antalyada davam edən təlim-məşq toplanışının yeddinci gününü tək məşqlə başa vurub.
Axşam saatlarında start götürən hazırlıq təxminən saat yarım davam edib.
Futbolçular isinmə hərəkətlərinin ardından fiziki tapşırıqları yerinə yetirib. Daha sonra taktiki gedişləri yerinə yetirən komanda məşqi ikitərəfli oyunla yekunlaşdırıb.
Demək olmaz ki, hazırlıq prosesinin gedişi Cavid hüseynovun tam ürəyincədir. Düşərgədə xəstəliklə bağlı narahatlıq hökm sürür.
Oyunçulardan bir neçəsi virusa yoluxub. Hər ötən gün qripdən əziyyət çəkənlərin artması müşahidə olunur.
SPORTİNFO.AZ